Тарихы  тамырлы  Бұлақтыкөл мектебі

Бұлақтыкөп  орта  мектебі осы  өңірдегі халықтың  тұрмыс-тіршілігімен, тарихи өмірімен біте қайнаса өз сара жолын салып келеді,жергілікті халық бұл жерге 1935жылы көшіп келді.

Білім мен мәдениетті бетке ұстаған жергілікті №11 ауыл тұрғындары бастауыш мектептің іргесін кіші Бұлақтыкөлде қалайды. Арада бір жыл өтпей-ақ бұл бастауыш мектеп 7 жылдық деңгейге көтерілді.  Бұл өрлеу  Бұлақтыкөл халқының білім алуға, оқуға ынтасын, көзқарасының ерекше екенін көрсетеді. Алғашқы ауыл мектебінің ұстаздары Қартбаев, Ұзақов, Назаров, Тоқтаров ( алғашқы мектеп директоры), Ешбанов секілді  азаматтар ел аузында жақсы лебіздермен белгілі. Мектеп тіпті жер дүниені жалмаған Ұлы Отан соғысы жылдарында да игі жұмысын жалғастыра берді.  Көптеген азаматтардың соғысқа аттанып кетіп, маман кадырлардың жетіспеушілігіне қарамастан мектеп өз жұмысын тұралатпай барын сала еңбек еткен апалы- сіңілілі Көпесова Бибажар мен Көпесова Қанзира, Қалбаева Хатима секілді қадірлі ұстаздарды атап өтуге болады. Соғыс аяқталып, ел-жұрт бейбіт өмірге бет бұрып, қираған шаруашылықты қалпына келтіруге ден қойған шақта халыққа білім беру ісі жалғасын тапқанмен 1950 жылы белгілі себептермен аталмыш  7 жылдық мектеп жабылып, тек қана бастауыш деңгейін сақтап қалды. Өкінішті жағдай алайда халықтың білім ордасының қысқаруы оқу-ғылым ізденген жергілікті жас қанатты талапкердің тауларын шаға қоймады. Олар енді қалған білімді Кемерши мен Жарқамыс кеншарларына дейін іздеп барып оқығандар қатарына атақты ақын жерлесіміз Сағи Жиенбаев, ғалым Болат Жәумітов, батыр ана атанған Батан Отарбайқызы және т.б.болды. Атамыш мектеп 1961жылы ашылып, содан соң қайта жабылып, ақырғы 1972 жылы халықтың ықпалымен тұрағылықты ашылды. Осы жылдардан кейін Әбиев Жарлығас (1961-1969жж), Мергенов Аманкелді (1969-1974жж) Жаулин Жүзбай (1974-1977жж), Сейтжапаров Жаңабай мектеп басшылары болды.  1977 жылдан бастап 20 жылдай мектеп басшылығы қызметін атқарған Сейтжапаров Жаңабай мектептің өркендеу ісіне өзінің мол үлесін қосты. Жаңа мектеп салу, айналаны көгалдандыру жұмысы қалдырған мұрасы сияқты. 1989 жылы мектеп қабырғасы кіші Бұлақтыкөлден орталық Бұлақтыкөлге көшірілді. Содан бері ауыл мектебі жылдан- жылға көркейе түсуде. Алайда қазіргі өтпелі кезеңдегі ауыр тұрмыс жағдайы мектептің жаңа талапқа сай тез көркейуіне тұсау салып келеді. Мектеп  үйіне (1997 – 2012 жж) мектеп басшысы Жолин Берікбайдың басшылығымен жаңа стандартқа сай 11 жылдық мектеп өз жұмысын жалғастыруда. Бұл тәуелсіздік туы астында қол жеткізген табысымыз. Мектебіміздің еңсесін тік көтере жан- жақты дамитынына сенім білдіреміз. Талай талантты жастар осы мектеп табалдырығынан жас қанатты сұңқардай самғаған.

Қазіргі  таңда  бұл  мектеп  үйіне  осы  мектептен  түлеп  ұшқан,  бірнеше  жыл  осы  мектептің  басшылық  қызметтерінде  жүрген (2012ж) Атанғарин  Ормантай  Алтайұлы  басшылық  етеді.  Қазір мектебіміз ұядан қанат қағар түлектерін ұшыру үстінде.